Конкурс юных майстроў саломапляцення "Залатое дзіва"

Умовы правядзення III Адкрытага г. Мінска конкурсу  юных майстроў саломапляцення “Залатое дзіва”.

1.    Агульныя палажэнні.

1.1.Дадзеныя ўмовы вызначаюць парадак арганізацыі і правядзення гарадскога конкурсу юных майстроў саломапляцення “Залатое дзіва” (далей-Конкурс).

1.2.Конкурс праводзіцца рэсурсным цэнтрам “Гармонія” ДУА “Сярэдняя школа № 3 г.Мінска імя Героя Савецкага Саюза К.А.Шабана” пры падтрымцы камітэта па адукацыі Мінгарвыканкама, ДУА “Мінскі гарадскі інстытут развіцця адукацыі”, упраўлення па адукацыі Маскоўскага раёна г.Мінска, па ўзгадненні з якімі ствараецца аргкамітэт конкурсу і вызначаецца склад журы.

1.3.Тэма Конкурсу ‒ “Ой, ладачкі-ладкі, святкуем Калядкі!”

2. Мэта і задачы Конкурсу.

2.1. Конкурс праводзіцца з мэтай духоўнага ўзбагачэння асобы навучэнца праз актуалізацыю творчай дзейнасці і развіццё творчых здольнасцей у галіне традыцыйнага беларускага дэкаратыўна-прыкладнога мастацтва.

2.2.Асноўнымі задачамі конкурсу з’яўляюцца:

‒ развіццё і папулярызацыя дзіцячай творчасці ў галіне мастацтва саломапляцення;

‒ выяўленне таленавітых дзяцей, стварэнне ўмоў для іх творчай самарэалізацыі;

‒ захаванне і развіццё беларускіх нацыянальных традыцый пляцення з саломы;

‒актуалізацыя творчых кантактаў;

‒выхаванне павагі да народнай культуры і традыцый.

3. Удзельнікі Конкурсу.

3.1. Да ўдзелу ў Конкурсе запрашаюцца навучэнцы аб’яднанняў па інтарэсах і факультатыўных заняткаў дэкаратыўна-прыкладнога накірунку ўстаноў агульнай сярэдняй і дадатковай адукацыі дзяцей і моладзі г.Мінска.

3.2. Узрост 9-16 гадоў. Узрост ўдзельнікаў (поўная колькасць гадоў ) вызначаецца на дзень правядзення Конкурсу. Узроставая катэгорыя вызначаецца па старэйшым удзельніку каманды.

4. Парадак арганізацыі і правядзення Конкурсу.

4.1. Падрыхтоўкай і правядзеннем Конкурсу непасрэдна кіруе аргкамітэт.

4.2. Конкурс праводзіцца ў форме творчага спаборніцтва.

4.3. Конкурс праводзіцца ў два этапы:

‒ выкананне творчай работы;

‒ абарона-прэзентацыя творчай работы.

4.4. У Конкурсе могуць прыняць удзел:

а) каманды ў складзе 2-х навучэнцаў у намінацыі “Калядны цуд” (выраб саламяных козачак, анёлаў, зорак і іншых калядных атрыбутаў);

б) каманды ў складзе да 5-ці навучэнцаў у намінацыі “Ёлачная цацка”.

4.5 Узроставыя катэгорыі:

‒ 9-12 гадоў:

‒ 13-16 гадоў;

4.6. Кожная каманда самастойна (без дапамогі педагога!) выконвае творчую работу на выбраную тэму.

4.7. Час для выканання творчай работы  ‒ 90 хвілін (прадугледжаны перапынак ‒ 10 хвілін).

4.8. Абарона-прэзентацыя:

‒ для ўдзельнікаў узроставай катэгорыі 9-12 гадоў у намінацыях “Калядны цуд” і “Ёлачная цацка” – афармленне буклета з адлюстраваннем этапаў выканання творчай работы або стварэнне відэароліка (па жаданні);

‒ для ўдзельнікаў узроставай катэгорыі 13-16 гадоў у намінацыях “Калядны цуд” і “Ёлачная цацка” – стварэнне відэароліка (да пяці хвілін) з адлюстраваннем этапаў выканання творчай работы.

Матэрыялы, падрыхтаваныя ў электронным выглядзе, неабходна адправіць разам з заяўкай на электронны адрас: estetika684@gmail.com

Буклеты патрэбна перадаць журы перад пачаткам Конкурсу.

Буклеты ўдзельнікам Конкурсу НЕ ВЯРТАЮЦЦА, яны застаюцца ў метадычным фондзе рэсурснага цэнтра “Гармонія”.

4.9. Для паказу ёлачных цацак камандам пажадана мець з сабой невялікую штучную ялінку.

УВАГА! Салому папярэдне можна ТОЛЬКІ НАРЭЗАЦЬ ЎЗДОЎЖ І ЎПОПЕРАК НА ПАЛОСКІ І ТРУБАЧКІ ПАТРЭБНАЙ ДАЎЖЫНІ і ШЫРЫНІ. САЛОМА ПАВІННА БЫЦЬ ВІЛЬГОТНАЙ, КАЛІ ГЭТА НЕАБХОДНА ДЛЯ РАБОТЫ! Усе саламяныя дэталі павінны быць выкананы ўдзельнікамі падчас Конкурсу.

Усе матэрыялы і інструменты, неабходныя для работы, кожная каманда рыхтуе самастойна, у тым ліку і этыкетку (дадатак 2).

4.10. Колькасць каманд-удзельнікаў ад адной установы адукацыі не абмяжоўваецца.

4.11 Усіх педагогаў арганізатары Конкурсу запрашаюць прыняць удзел у намінацыі “Майстар-клас ад Майстра” для трансляцыі асабістага вопыту работы з навучэнцамі ў тэхніцы саломапляцення па тэме “Зімовыя святы народнага календара беларусаў”.

Удзельнікам неабходна падрыхтаваць прэзентацыю або відэаролік.

Пры неабходнасці і жаданні ‒ правесці невялікі майстар-клас па выкананні асобных пляцёнак.

Пра жаданне ўдзельнічаць у дадзенай намінацыі неабходна папярэдзіць аргкамітэт загадзя (можна ў заяўцы).

5. Для ўдзелу ў Конкурсе неабходна:

5.1. на электронны адрас аргкамітэта даслаць наступныя дакументы:

‒ заяўка на ўдзел у Конкурсе, якую трэба накіраваць у тэрмін да                    24 снежня 2025г на электронны адрас estetika684@gmail.com  з адзнакай “На конкурс “Залатое дзіва”;  (дадатак 1);

‒ скан ці фотаздымак квітка аб аплаце конкурснага ўзносу.

5.2.Дата правядзення Конкурсу – 5 студзеня 2026г, пачатак ‒ 14.00.

Рэгістрацыя ўдзельнікаў  13.20-13.40.

УВАГА! Дата правядзення Конкурсу можа быць зменена па аб’ектыўных прычынах!

Месца правядзення г.Мінск, завулак 3-ці Чыгуначны,16.

Кожны ўдзельнік павінен мець пры сабе дакумент, які пацвярджае яго асобу (напрыклад, вучнеўскі білет).

6. Крытэрыі ацэньвання конкурсных работ.

6.1. Пры ацэньванні работ улічваюцца:

‒ захаванне беларускіх народных традыцый;

‒ кампазіцыйна-мастацкі ўзровень работ;

‒ арыгінальнасць ідэі;

‒ якасць выканання;

‒ крэатыўнасць, лаканічнасць і творчы падыход у прэзентацыі.

6.2.Пераможцы і прызёры Конкурсу ўзнагароджваюцца дыпломамі 1, 2, 3 ступені. Журы мае права на вызначэнне колькасці прызавых месцаў (колькасць іх можа быць павялічана ці паменшана).

Педагогі, якія падрыхтуюць матэрыял да ўдзелу ў намінацыі “Майстар-клас ад Майстра”, атрымаюць падзякі.

7. Пазнаёміцца з вынікамі Конкурсу і датай цырымоніі ўзнагароджвання можна будзе на сайце http://sch3.minsk.edu.by/main.aspx?guid=87121.

Уся інфармацыя пра магчымыя змяненні і дапаўненні ў парадку правядзення Конкурсу будзе размешчана на сайце

http://sch3.minsk.edu.by/main.aspx?guid=87121.

УВАГА! Інфармацыя пра вынікі Конкурсу на прыёмныя навучальных устаноў адпраўляцца НЕ БУДЗЕ!

8. Конкурсныя работы можна будзе забраць у дзень Конкурсу.

Аргкамітэт пакідае за сабой права ўсе атрыманыя на Конкурсе фота,  відэа і іншыя матэрыялы выкарыстоўваць падчас мерапрыемстваў некамерцыйнага характару.

9. Склад аргкамітэта Конкурсу:

Пазднякова Валянціна Васільеўна, +375 29 557-85-91

Мікуц Надзея Алегаўна, +37529 262-87-16

10. Фінансавае забеспячэнне арганізацыі Конкурсу выконваецца за кошт конкурснага ўзносу ў памеры 15 рублёў з каманды.

 

 

на р/с BY03BLBB36320100697240001001 в ЦБУ№538 г. Минска

ОАО «Белинвестбанк» г. Минск ул. Коржа 11а код BLBBBY2X

УНП191011544

Конкурс «Залатое дзіва»

 

                                                                                                  

                                                                                               Дадатак1

ЗАЯЎКА

на ўдзел у III гарадскім Конкурсе юных майстроў саломапляцення “Залатое дзіва”

№	Назва ўстановы адукацыі (поўнасцю)	Прозвішча і імя ўдзельнікаў	Узрост	Назва работы	Прозвішча, імя, імя па бацьку педагога (поўнасцю)	Кантактны тэлефон

 

Назва работы   Прозвішча, імя аўтараў, узрост   Назва аб’яднання па інтарэсах   Прозвішча, імя, імя па бацьку педагога   Установа адукацыі

 

                                                                                                 

 

                                                                               Дадатак1

 

ЗАЯЎКА

на ўдзел у II гарадскім Конкурсе юных майстроў саломапляцення “Залатое дзіва”

№	Назва ўстановы адукацыі (поўнасцю)	Прозвішча і імя ўдзельнікаў	Узрост	Назва работы	Прозвішча, імя, імя па бацьку педагога (поўнасцю)	Кантактны тэлефон

 

 

                                                           Дадатак 2

 

Этыкетка павінна быць напісана на беларускай мове,

шрыфт 14 Times New Roman

 

Назва работы   Прозвішча, імя аўтараў, узрост   Назва аб’яднання па інтарэсах   Прозвішча, імя, імя па бацьку педагога   Установа адукацыі